Maung Shwe

ဦးမောင်ရွှေသည် မြန်မာပြည်စစ်အာဏာရှင်ကို အကြီးကျယ်ဆုံးစတင်တော်လှန်တိုက်ပွဲဆင်သည့်၈-လေးလုံးပြည်သူ့အရေးတော်ပုံကာလအတွင်း မိမိဇာတိဖြစ်သည့် မွန်ပြည်နယ်၊ သထုံမြို့၌ တက်ကြွစွာပါဝင်လှုပ်ရှားကာ ၁၉၈၈ - စက်တင်ဘာလ စစ်အာဏာသိမ်းပြီးနောက်ပိုင်းတွင် ထိုင်းမြန်မာနယ်စပ်လွတ်မြောက်နယ်မြေသို့ မိသာစုနှင့်အတူထွက်ခွာလာခဲ့ပါသည်၊

ထို့နောက် ABSDF ကျောင်းသားတပ်မတော် တပ်ရင်း ၂၀၉ (နောက်ပိုင်း တပ်ရင်း -၃) တွင်တော်လှန်ရေးတာဝန်များကိုဆက်လက်ထမ်းဆောင်ခဲ့ပါသည်၊ ဇနီးဖြစ်သူ‌‌ဒေါ်ရီလည်း ဒီမိုကရေစီ‌ရေးအတွက်ခင်ပွန်းသည်နှင့်အတူတော်လှန်ရေးတာဝန်ကိုကျရာကဏ္ဍမှ ထမ်းရွက်ခဲ့ပါသည်။ 

၁၉၈၈ မှသည် ထိုင်း-မြန်မာနယ်စပ် သံလွင်မြစ်ကမ်းရှိ ‘သံလွင်စခန်း’ မှစတင်ကာ တော်လှန်ရေးတာဝန်များကို ရဲဘော်အဆင့်၊ တပ်စုမှူးအဆင့်တို့ဖြင့် တက်ကြွစွာထမ်းဆောင်းခဲ့ပါသည်။ အဖွဲ့အစည်းကလိုအပ်သလိုပေးအပ်သည့် ကျောင်းသားတပ်မတော် ဗဟိုတရားသူကြီးအဖွဲ့ဝင်တာဝန်၊ ရှေ့တန်းလူထုစည်းရုံးရေးတာဝန်၊ နယ်စပ်ရပ်ရွာပညာပေးရေးတာဝန်များကိုလည်း ကျေပွန်စွာထမ်းဆောင်ခဲ့ပါသည်။ 

ဤသို့ ဒီမိုကရေစီတော်လှန်ရေးတာဝန်များကို ၁၉၈၈-မှ ၂၀၀၄-အထိ ၁၆-နှစ်ခန့်ထမ်းဆောင်ကာ ၂၀၀၄-ခုနှစ်တွင် ဇနီး၊ သားနှစ်ယောက်တို့နှင့်အတူ အမေရိကန်နိုင်ငံ ဟာဝိုင်အီပြည်နယ်သို့ထွက်ခွာ

ခိုလုံခဲ့ပါသည်၊ ထိုမှတဆင့် ၂၀၀၅-ခုနှစ်တွင် တက္ကဆက်ပြည်နယ်၊ အမာရီလိုမြို့သို့ထပ်မံပြောင်းရွေ့ပြီး အတည်တကျအခြေချနေလာခဲ့ယင်း လူမှုရေး၊ ကွန်မြူနီတီအရေး၊ ဘာသာသာသနာရေးကိစ္စများ

ကိုလည်းအားကြိုးမာန်တက် ဆက်လက်လုပ်ကိုင်လာခဲ့ရာမှ ပြီးခဲ့သည့် Oct 30, 2024 ရက်နေ့တွင် အလုပ်ခွင်၌ရုတ်တရက်လဲကျပြီး အသက်ဆုံးပါးဘဝတခြားသို့ ပြောင်းသွားခဲ့ပါသည်။ 

ယခုအခါ ဇနီးဖြစ်သူဒေါ်ရီနှင့်အတူ သားမောင်အေးကျော်နှင့် မောင်ဝေယံထွန်းတို့ကျန်ခဲ့ပါသည်။